仇老爺爺劇本2017年開始寫
寫了大半年，12月開拍
拍了大半年，18年5月煞科
後期搞了一整年，19年7月終於出街
直至前日我先正式交埋第20集，誇唔誇張？辛苦viu同事了。
點解可以搞咁長時間？
因為各種條件所限
時間，係唯一可以令質素盡量提升既途徑
花了兩年時間的心血結晶
每晚9點半，就算得唔得閒睇直播
一到9點半我就會緊張到隔肋底腳板底出哂汗
我會想像你哋睇既時候，會笑會喊會喜歡會嫌棄
因為我真係好重視呢個作品
呢4個星期，等了兩年
可謂是我人生目前為止對我意義最重大的一步
結果呢？撞正香港最混亂時刻
負面新聞佔據咗我地生活每個部份
仲點有心情煲劇？
等了兩年，結果咁樣
我點會唔難過
但係喺大是大非面前，「我」係好小事
正如開播前講過，我信口碑行銷多過悲情行銷
所以呢兩年嚟，就算做訪問都好，我從來唔會提「辛苦」兩隻字
更唔想出嚟隱喻幾句當出咗力賺credit
Do姐教落，娛樂既人做返娛樂本份
當我知道好多人無心煲劇而灰心失意時
我逐漸收到，一個又一個既message
話俾我聽，《仇老爺爺》點樣幫到大家放鬆、減壓
得到一個喘息空間
甚至多謝劇組
係個一刻，我就覺得，多與少人睇都已經唔再重要
忽然，《仇老爺爺》多了一重意義
注意安全
星期一返嚟陪我睇結局週
香港人，加油
Search